Gästebuch

Hallo Silvia,
ich habe mich sehr gefreut nun die Prüfung bestanden zu haben und endlich einfach losfahren zu können.
Vielen lieben Dank für den tollen und herzlichen Fahrunterricht. Ich habe mich immer gut aufgehoben und sicher gefühlt. Ausserdem hat jede Fahrstunde immer einen heiden Spass gemacht und ich bin froh, dass ich bei dir meine ersten Fahrerfahrungen machen durfte.
Vielen Dank für alles und alles Gute!!
Liebe Grüsse,
Pauline

Erste mal bestande..:) danke silvia für alles. Du besch en nätti ufgstellti Person und du hesch sehr vel geduld. Du hesch mer Muet gäh das alles guet werd laufe und so esch es au gsie. Danke nomol für di wertvolli Zit. :)

Juhuuuuu bestande bim erschte mal! Ich chan Silvia nur witter empfehle! Sie isch en super Fahrlehrerin mit ganz viel geduld und verständnis. Danke viel mal Silvia isch en super ziit gsi :D

Sali Silvia
Dank dir hani d Fahrprüefig uf de erscht ahieb bestande :) , ohni dini unterstützig hetti da ned gschafft. Ich chan di nur witerempfehle :)

Lg Oliver

Hey Silvia, Ich möcht mi ganz herzlich bi der bedanke :) Trotz mine Rückschläg während de Fahrusbeldig hanis trotztem mega schnell und sogar bim erste Mol bestande :) Danke vör dini Unterstützig und Helf. Lg Chregu

Liebi Silvia
Ich han riese Freud ka, dass ich bem erste Mal d'Autoprüefig bestande han. Du bisch e super Fahrlehrerin, ich han mich jedes Mal uf mini Fahrstunde greut, denn jedi Lektion isch sehr lehrrich gsi und hettmer meh Sicherheit gä im Verkehr.
Ich finds guet, wie du Verkehrsregle, Manöver und schwirigi Verkehrssituatione chasch erkläre und debi hälfe.
Ich han mich wohl gfühlt hinterem Stüür. :)
Ich due gärn nomol Danke säge und freue mich elleige und sicher dure Verkehr z'cho. :)

Liebi Grüess
Isabelle

Liebi Silvia
Juhui au ich han dPrüefig bestande:))
Du bisch en super Fahrlehrerin, immer da fürs Fahrschüeler und sehr geduldig:) du hesh es immer gshafft mich zmotiviere und mir zeigt das mer dhoffnig nie sell ufgeh:) dank dinere super Art, füehli mi sicher uf de strass:)
Ich dank dir viel mal für die Zit:) und wünsche dir witerhin viel spass und erfolg als Fahrlehrerin:)
Blib so wied bish:)

Gruess Seki

Liebi Silvia

I mues säge es esch super gsi. Du hesch eim s Autofahre seriös bibrocht. Biespelswis hesch emmer es "Spelzügautöli" debi gha om eim t Situatione erkläre z chönne ond au söscht wemmer e Frog gha hed, hed mer sech emmer a dech chönne wände.
Au besch du zo jederzit uf Wönsch bezöglech em Autofahre ihgange.

I be froh dasi be der it Fahrstonde gange be ond werde das au so witer verzelle.

Lg Sandro :)

Liebi Silvia

Dank dinere fröhliche und motivierende Art, han ich mich sehr schnell wohl hinderem Schtüür gfühlt und Freud am Autofahre lehre becho.
Du hesch mir ned nur mit Sache Auto vill mit ufe Wäg geh, sondern mich au druf ufmerksam gmacht, dasses ned nur "gueti lüüt" uf de Strass hed.
D Silvia isch also wirkli für einem daa und hilft wo sie nur chan!
Ich chan dich nur wiiterempfähle und wirds au probiere. :)
Merci villmal für die lehrrichi Ziit!
LG Annina

Lieebi Silvia,

ich freeeeu mech emmer no so dassi bem erste mol grad bestande han! Ich bi schoo fliessig am fahre :)
Ich möcht mech nomol be der bedanke, dass du mich i dere Zit begleitet hesh. Danke dasd mi immer unterstötzt hesh. Du bisch en super Fahrlehrerin und i cha di nur wieterempfehle!

Liebi Grüess Giulia